اشهارات زمان 2
سبحان لكريم الفتاح
خالق سما خالق لرياح
اوجنات من عنب او تفاح
باذكرو القلب يرتاح
والغمة لي فالقلب تنزاح
عونا نداويو هاد لجراح
ولقاوالحل والمفتاح
ولد بنادم على وجهو سراح
خلقوا منو شلا شباح
او قوم خبيثة قباح
شحال ماطال الليل يصباح
مول النية الغارقة مايربح
ولي توكل عليه فاسعادة يسباح
واش طير لحر ينباح
وبنادم طاير بلاجناح
فين صلاة فين تسباح
فين دوك سيادي لملاح
كل مسجون الله يطلق لسراح
اوكل مظيوم اتهز عليه لقراح
الفانية مادوم راك مروح
لمكان ماينفع فيه بكى ولانواح
ولاحكي ولاشراح
اسعيد فاديك نهار يرتاح
والخاسر على وجهو يتطراح
شي يجني لعنب والتفاح
اوشي على نفاق يمداح
فرطنا فادين او حطينا سلاح
وطفينا شمع والمصباح
ابراهيم السلاوي
أضف تعليق:
0 comments: