أخبار الفد 2
الى هضرتي
من زمان وحنا نسمعو الحيوط ليها ودان
من زمان وحنا نخافو من ظل الشجر والحيطان
من زمان وحنا نجتمعو وكل واحد فينا خيفان
من زمان ولعصا لغة السجان
من زمان والحق مهضوم حتى الهضرة بالسان
سكتوا. سكتوا شششششش اش كاين
في الحقيقة مكاين امان
قمع, سجن, واختطاف ومآسي وأحزان
مشات ايام اوقالو اجي نتصالحو وندوزو لبر لامان
البرلمان..... شششششش اش كاين
صدااااااع شي لاعب شي ناعس شبعان
والهموم هي الهموم ومازال القمع اومازال لغة السجان
التغيير راه هو السبيل لعيشة لامان.
مزيان ايوا
الشغل لكل مواطن وبيه نبنيو الوطان
المحاسبة من شيامنا يا اخوان
المشاريع ليها جينا لكم كود لا لا نيشان
مانحبوش لفساد والمفسد غادي يبان
غير نهار يا خوتي نهار
تبدلات الهضرة دخان
ولا القمع اكثر من زمان وحدى البرلمان
ولا السجان فرح بعودة الزمان
حتى قلنا صافي مابقى ليه بيناتنا مكان
رجع الحق مهضوم حتى من الهضرة بالسان
رجع الحق مهضوم في بلاد لامان
الى هضرتي انت مشاغب, اوراسك غليان
هذا هو التغيير.... قولولي
هذا تغرير..........
ايوا الرجا في الله,
اما اليوم غير زيادة ورا زيادة
اوكلشي من جيب المواطن الهلكان
هشام شفيق
أضف تعليق:
0 comments: